მარნეულში, სოფელ წერეთელში, სადაც 14 წლის მოზარდს კორონავირუსი დაუდგინდა, ეპიდემიოლოგიური კვლევა მიმდინარეობს

მარნეულის მუნიციპალიტეტის სოფელ წერეთელში, სადაც კოვიდინფიცირების ერთი დადასტურებული შემთხვევა დაფიქსირდა, ეპიდემიოლოგიური კვლევა მიმდინარეობს.

კორონავირუსი დღეს აღნიშნულ სოფელში 14 წლის მოზარდს დაუდასტურდა, რომელიც ოჯახთან ერთად სვანეთში კვირიკობის დღესასწაულზე სტუმრად ჩავიდა და რამდენიმე დღით დარჩა.

როგორც "ინტერპრესნიუსთან" საუბარში, მარნეულის დაავადებათა კონტროლისა და საზოგადოებრივი ჯანდაცვის ცენტრის ხელმძღვანელმა ეთერ ლაფერაძემ განაცხადა, "პისიარ" ტესტირება უკვე ჩაუტარდა და კორონავირუსი არ დაუდასტურდა მოზარდის ოჯახის წევრებს. ამ დრომდე მიმდინარეობს სხვა კონტაქტების მოძიება და მათგან ბიოლოგიური ნიმუშების აღება ლაბორატორიული კვლევისთვის.

ინფიცირებულის ოჯახის წევრები კი საკარანტინე სივრცეში არიან გადაყვანილი.

ეთერ ლაფერაძის განცხადებით, დღეს გვიან ღამით ლაბორატორიიდან ინფიცირებული მოზარდის 18 კონტაქტის ბიოლოგიური მასალის კვლევის შედეგებს ელოდებიან, ხვალ დილით კი 15 ნიმუშს გადააგზავნიან. ჯამში ამ ეტაპზე 33 კონტაქტის ბიოლოგიური მასალაა აღებული კვლევისთვის.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა