თელავში 70 წლის მამაკაცი გარდაცვლილი იპოვეს
თელავის მუნიციპალიტეტის სოფელ ვანთადან რამდენიმე დღის წინ გაუჩინარებული 70 წლის კაცი გარდაცვლილი იპოვეს.
მერაბ ამბროსიძის ცხედარი თანასოფლელმა, ღვინის ქარხნის მიმდებარე ტყეში ნახა და სამართალდამცველებს შეატყობინა.
ადგილზე სამაშველო ჯგუფები და სამართალდამცველები იმყოფებიან.
ხანდაზმულს შესაბამისი სამსახურები 4 დღის განმავლობაში ეძებდნენ. ადგილობრივების ინფორმაციით, მას ჯანმრთელობის პრობლემები ჰქონდა.
გამოძიება 115- ე თვითმკვლელობამდე მიყვანის მუხლით დაიწყო.
