102 დღის შემდეგ ახალ ზელანდიაში კორონავირუსის 4 შემთხვევა დაფიქსირდა, რის გამოც ქალაქი ოკლანდი 3 დღით ჩაიკეტა. ამ ინფორმაციას BBC ავრცელებს. გამოცემის ცნობით, ოთხივე ინფიცირებული ერთი ოჯახის წევრია და ისინი ამჟამად საავადმყოფოში გადიან მკურნალობას. ახალი ზელანდიის ხელისუფლების გადაწყვეტილებით, ვირუსის გავრცელების პრევენციის მიზნით, ქალაქი ოკლანდი დღეიდან 3 დღის განმავლობაში ჩაიკეტება, რა დროსაც მოსახლეობას აუცილებელი საჭიროების გარდა ქუჩაში გამოსვლა აეკრძალა.

ქალაქში სუპერმარკეტებისა და აფთიაქების გარდა სხვა დაწესებულებები დროებით დაიკეტა.

ბოლო მონაცემებით, ახალ ზელანდიაში სულ კორონავირუსის 1 220 შემთხვევა დაფიქსირდა, ვირუსს 22 ადამიანი ემსხვერპლა.