ეკატერინე ტიკარაძის განცხადებით, ევროკავშირის საბჭოს მიერ საქართველოსთვის გამოყოფილი 150 მლნ ევრო ჯანდაცვის სექტორის გაძლიერებისკენ იქნება მიმართული

ჯანდაცვის მინისტრის ეკატერინე ტიკარაძის განცხადებით, ევროკავშირის საბჭოს მიერ საქართველოსთვის გამოყოფილი 150 მლნ ევრო ჯანდაცვის სექტორის გაძლიერებისკენ იქნება მიმართული. ამის შესახებ ეკატერინე ტიკარაძემ მთავრობის ადმინისტრაციაში გამართულ პრესკონფერენციაზე განაცხადა.

„ევროკავშირის მიერ საქართველოსთვის გამოყოფილი 150 მლნ ევრო ჯანდაცვის კუთხით დეტალურად არის გაწერილი, ის მიემართება ჯანდაცვის სექტორის გაძლიერებისკენ. ამაში ჩვენ ვგულისხმობთ როგორც ლაბორატორიული სექტორის გაძლიერებას, ასევე ტესტირებების შესაძლებლობის გაძლიერებას ქვეყანაში და ყველა იმ სამედიცინო დაწესებულების გაძლიერებას, რომელიც მონაწილეობას მიიღებს კოვიდპანდემიის მართვაში, რადგან ჩვენ უკვე ველოდებით გაზრდილ მონაცემებს“, - განაცხადა ტიკარაძემ.

ცნობისთვის, ევროკომისიამ კორონავირუსთან დაკავშირებით ევროკავშირის პარტნიორი ქვეყნების, მათ შორის საქართველოს დასახმარებლად მაკროფინანსური დახმარების რვა პროგრამა შეათანხმა. საქართველოსთვის 150 მილიონი ევროს ოდენობის მაკროფინანსური დახმარების პროგრამის პირობები პოლიტიკის სფეროში უკავშირდება სახელმწიფო ფინანსების მართვის გაძლიერებას, მმართველობის გაუმჯობესებას, სექტორულ რეფორმებსა და შრომის ბაზართან დაკავშირებულ პოლიტიკას.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს