კორონავირუსის 14 ახალი შემთხვევიდან, ერთი რუსთავის „ცხელების ცენტრში“ დაფიქსირდა

საქართველოში კორონავირუსის 14 ახალი შემთხვევიდან, ერთი რუსთავის „ცხელების ცენტრში“ დაფიქსირდა. როგორც ,,ინტერპრესნიუსთან“ საუბარში, რუსთავის ცენტრალური საავადმყოფოს დირექტორმა პაპუნა ბახტაძემ განაცხადა, 43 წლის ქალი სოფელ ყარაჯალარიდანაა.

,,პაციენტს 4 დღის წინ ჩაუტარდა პისიარ ტესტირება „კოვიდ 19“- ზე და პასუხი უარყოფითი იყო. კლინიკაში შემოყვანისას, მას ხელზე წყლული ჰქონდა და ტემპერატურა, ამიტომ, თავდაპირველად სხვა დაავადებაზე მივიტანეთ ეჭვი, თუმცა ,,პისიარ“ ტესტირება ხელმეორედ მაინც ჩავუტარეთ, რადგან ტემპერატურა ჰქონდა. ტესტის პასუხი ამჯერად დადებითია კორონავირუსზე. პაციენტი უკვე გადაყვანილია კოვიდმიმღებ კლინიკაში“, - განაცხადა პაპუნა ბახტაძემ.

დღეისათვის გარდაბნის მუნიციპალიტეტის სოფელ ყარაჯალარში კორონავირუსით ინფიცირების 47 დადასტურებული შემთხვევაა. სოფელში მკაცრი საკარანტინო რეჟიმი 24 ივლისიდან 10 აგვისტომდე მოქმედებდა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს