გერმანიაში კორონავირუსის 1 226 ახალი შემთხვევა დადასტურდა, რაც ბოლო 3 თვეში, რეკორდულად მაღალი დღიური მაჩვენებელია, - ამის შესახებ ინფორმაციას „დოიჩე ველე“ ავრცელებს. გერმანიის ჯანდაცვის მინისტრმა იენს სპანმა განაცხადა, რომ ინფიცირების შემთხვევების ზრდა შემაშფოთებელია და მოსახლეობას კორონავირუსთან დაკავშირებით გაცემული რეკომენდაციების დაცვისკენ მოუწოდა.
„ცხადია, თუკი სიფრთხილეს არ გამოვიჩენთ, შესაძლოა, გარკვეულ დინამიკამდე მივიდეთ“, - აღნიშნა გერმანიის ჯანდაცვის მინისტრმა.
მისივე თქმით, აუცილია პირბადეების გამოყენება, ფიზიკური დისტანციის დაცვა და სოციალურ გარემოში მჭიდრო კონტაქტის თავიდან აცილება.
ცნობისათვის, რობეტ კოხის ინსტიტუტის მონაცემების თანახმად, გერმანიაში, საერთო ჯამში, კორონავირუსის 218 519 შემთხვევაა დადასტურებული, აქედან 9 207 ადამიანი გარდაცვლილია.