დავით ზალკალიანი - აშშ-სთან თანამშრომლობა დაგვეხმარა ჩამოგვეყალიბებინა მდგრადი დემოკრატია და გვექცია საქართველო რეგიონში დასავლეთის ძლიერ და მნიშვნელოვან პარტნიორად

საქართველოს საგარეო საქმეთა მინისტრი დავით ზალკალიანი, ონლაინ კონფერენციაზე - “Georgia and its Neighborhood” სიტყვით გამოვიდა, სადაც აშშ-საქართველოს თანამშრომლობის მნიშვნელოვან ასპექტებზე ისაუბრა.

მინისტრის თქმით, გასული თვეების განმავლობაში ახალი კორონავირუსის მიერ გამოწვეული კრიზისის დაძლევაში საქართველოს აშშ და სხვა ევროპული პარტნიორები დაეხმარნენ.

„ჯანდაცვის სექტორში აშშ-სთან ჩვენი გრძელვადიანი თანამშრომლობა იყო ძალიან მნიშვნელოვანი პანდემიასთან ბრძოლაში საქართველოს წარმატებისთვის,“ - განაცხადა ზალკალიანმა და ხაზგასმით აღნიშნა ამერიკული დახმარების შედეგად შექმნილი, მსოფლიო დონის, რიჩარდ ლუგარის სახელობის კვლევითი ლაბორატორიის წვლილი პანდემიასთან ბრძოლის პროცესში.

თავის გამოსვლაში უწყების ხელმძღვანელმა ისაუბრა აშშ-სა და საქართველოს შორის თანამშრომლობის გაღრმავების მნიშვნელობასა და მზაობაზე და დასძინა, რომ რამდენიმე დღის წინ საქართველოს პრემიერ მინისტრსა და აშშ-ს სახელმწიფო მდივანს შორის განხორციელებული სატელეფონო ზარი, არის აშშ-ს მხრიდან საქართველოს მხარდაჭერის კიდევ ერთი დასტური.

„ვერაფერი ვერ მოემსახურება ურთიერთობების გამყარების მიზანს ისე კარგად, როგორც ჩვენს ქვეყნებს შორის თავისუფალი ვაჭრობის შესახებ შეთანხმებასთან დაკავშირებით ოფიციალური მოლაპარაკებების დაწყება. ჩვენ აბსოლუტურად მზად ვართ გავაძლიეროთ არსებული და ამავდროულად ჩამოვაყალიბოთ ახალი კავშირები“, - განაცხადა მინისტრმა.

ზალკალიანის თქმით, წლების მანძილზე არსებული თანამშრომლობა და კოორდინაცია დაეხმარა საქართველოს ჩამოყალიბებულიყო რეგიონში დასავლეთის ძლიერ და მნიშვნელოვან პარტნიორად.

მინისტრმა ხაზგასმით ისაუბრა საქართველოში განხორციელებულ საკონსტიტუციო ცვლილებებზეც.

„ჩვენი საერთაშორისო პარტნიორების, განსაკუთრებით კი აშშ-ს მნიშვნელოვანი მხარდაჭერით, სახელმწიფომ გადადგა ისტორიული ნაბიჯი საკონსტიტუციო ცვლილებების და პროგრესული საარჩევნო რეფორმების განხორციელების კუთხით, რომლებიც ეფუძნება ევროპის საპარლამენტო დემოკრატიის საუკეთესო ტრადიციებს და აერთიანებს ეუთო/ოდირის რეკომენდაციებს, საქართველოს მთავრობის ძლიერი სურვილი და უდიდესი ძალისხმევა, გაზარდოს საპარლამენტო პლურალიზმი და 2024 წლისთვის გადავიდეს სრულად პროპორციულ სისტემაზე, არის საქართველოში არჩევნების უპრეცედენტოდ სამართლიან, თავისუფალ და დემოკრატიულ გარემოში ჩატარების მზადყოფნის დემონსტრირება. მე დარწმუნებული ვარ, რომ ოქტომბრის საპარლამენტო არჩევნები იქნება საქართველოს კიდევ ერთი წინგადადგმული ნაბიჯი ევროპული და ევროატლანტიკური ინტეგრაციის მიმართულებით“, - აღნიშნა დავით ზალკალიანმა.

ინფორმაციას საგარეო საქმეთა სამინისტრო ავრცელებს.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო