მამუკა ხაზარაძე - მაჟორიტარობის 25 კანდიდატი დავასახელეთ, 5-ზე მიმდინარეობს კონსულტაციები და უახლოეს პერიოდში წარვადგენთ

პოლიტიკური გაერთიანების „ლელო საქართველოსთვის” ლიდერის, მამუკა ხაზარაძის განცხადებით, ხუთ მაჟორიტარულ ოლქში მაჟორიტარების კანდიდატებზე მსჯელობა კვლავაც მიმდინარეობს.

როგორც ხაზარაძემ ჟურნალისტებს განუცხადა, მის პარტიას 40 ათასზე მეტი რეგისტრირებული მხარდამჭერი და პარტიის წევრი ჰყავს.

“როგორც იცით, ჩავატარეთ მხარდამჭერების შიდა გამოკითხვა. დაახლოებით, ერთი თვის წინ დავიწყეთ ეს კამპანია, რომელშიც ათასობით ჩვენი მომხრე ჩაერთო. დღეს ჩვენ 40 ათასზე მეტი რეგისტრირებული მხარდამჭერი და პარტიის წევრი გვყავს. 25 დავასახელეთ იმიტომ, რომ დარჩენილ ხუთზე კიდევ მიმდინარეობს კონსულტაციები და უახლოეს პერიოდში წარვუდგენთ კანდიდატურას საზოგადოებას”, - განაცხადა ხაზარაძემ.

მისი თქმით, “ლელო” ოპოზიციასთან მოლაპარაკებების მონაწილე არ ყოფილა და გადაწყვეტილებებს დამოუკიდებლად იღებს.

„ “ლელოს” პირველივე დღიდან ჰქონდა გაცხადებული, რომ შევდივართ ბრძოლაში დამოუკიდებლად, არჩევნებში შევდივართ დამოუკიდებლად. არასდროს არ მიგვიღია მონაწილეობა ადგილების განაწილებაში და შესაბამისად, დავაყენეთ ყველა ოლქში. არ ვყოფილვართ მოლაპარაკების მხარე და დამოუკიდებლად ვიღებთ გადაწყვეტილებას”,- განაცხადა ხაზარაძემ.

რაც შეეხება ბადრი ჯაფარიძის კანდიდატურას, რომელიც საბურთალოს ოლქში წარადგინეს, ხაზარაძემ განაცხადა, რომ სადაც არ უნდა დაეყენებინათ, “საბურთალო იქნებოდა, ვაკე თუ ნებისმიერი ადგილი, ბადრი ჯაფარიძე ყველა ოლქში მოიგებს”.

“მას კონკურენტი არ ყავს”, - აცხადებს ხაზარაძე.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)