თორნიკე რიჟვაძე - ბათუმის ბიუჯეტი 10 მილიონი ლარით შეივსო და ქალაქში ყველა დაგეგმილი პროექტი ბოლომდე იქნება მიყვანილი

ბათუმის ბიუჯეტი 10 მილიონ 300 ათასი ლარით შეივსო.

მიმდინარე პროექტების შეუფერხებლად გაგრძელებისა და ახალი პროექტების დაწყების მიზნით ბათუმის მუნიციპალიტეტისთვის თანხის გამოყოფა აჭარის ავტონომიური რესპუბლიკის ბიუჯეტიდან კაპიტალური ტრანსფერის ფარგლებში განხორციელდა.

თორნიკე რიჟვაძის განცხადებით, პანდემიის და დიდი ეკონომიკური გამოწვევის მიუხედავად, ყველა პროექტი დასრულდება.

„ჩვენ უმოკლეს ვადებში, ეკონომიკურ გუნდთან ერთად, მოვახერხეთ რომ ბათუმის თვითმმართველობისთვის 10 მილიონზე მეტი ლარის ფინანსური რესურსი გამოგვეძებნა. ეს ნიშნავს, რომ ყველა ის პროექტი, რომელიც დაგეგმილი იყო ქალაქის თვითმმართველობის მხრიდან, იქნება ბოლომდე მიყვანილი.

არცერთი საბიუჯეტო ღონისძიება არ იქნება გაუქმებული ან ბიუჯეტიდან მომდევნო წლისთვის გადადებული. მიუხედავად პანდემიის და ძალიან დიდი ეკონომიკური გამოწვევისა, ჩვენ, ყველანი ერთად, შევძლებთ, რომ აბსოლუტურად ყველა პროექტი ბოლომდე იქნას მიყვანილი.

გარდა ინფრასტრუქტურული პროექტებისა, ყველა ის პროგრამა როგორიც იყო სოციალური, ჯანდაცვის და სხვა მიმართულებები, იქნება შენარჩუნებული. ჩვენ მომავალშიც გავაგრძელებთ ბათუმის თვითმმართველობის მხარდაჭერას როგორც ფინანსური რესურსით, ისე პოლიტიკური მხარდაჭერის ნაწილში, რომ ბათუმელებისთვის და ჩვენი სტუმრებისთვის ქალაქი იყოს წესრიგში“, - განაცხადა აჭარის მთავრობის თავმჯდომარე თორნიკე რიჟვაძემ.

ინფორმაციას აჭარის მთავრობის პრესსამსახური ავრცელებს.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს