რაგბის კავშირის პრეზიდენტობის მოვალეობის შემსრულებელმა გიორგი გორგასლიძემ თანამდებობა დატოვა. რაგბის კავშირში პრესკონფერენცია გაიმართა, სადაც რაგბის კავშირის პრეზიდენტის მოვალეობის შემსრულებლის გიორგი გორგასლიძის გადაწყვეტილება გაჟღერდა.

შეგახსენებთ, რომ გიორგი გორგასლიძემ ათი დღის წინ რაგბის კავშირის პრეზიდენტის პოსტზე გოჩა სვანიძე შეცვალა.

მისი მოვალეობა მომავალ არჩევნებამდე (რომელიც წლის ბოლოს გაიმართება) უნდა შეესრულებინა, თუმცა გორგასლიძე თანამდებობიდან გადადგა. ამასთან, დღეს საქართველოს სარაგბო კლუბებმა განაცხადეს, რომ მძიმე ფინანსური პრობლემების წინაშე არიან და სახელმწიფოს დახმარება სჭირდებათ.