არჩილ თალაკვაძე - საარჩევნო სიებზე კონსულტაციები აგვისტოში დასრულდება და ვგეგმავთ სექტემბერში წარვადგინოთ სია, სადაც იქნებიან გუნდის გამოცდილი წევრები და ახალი თანაგუნდელები

პარლამენტის თავმჯდომარის, არჩილ თალაკვაძის განცხადებით, ბიძინა ივანიშვილი ჩართულია „ქართული ოცნების“ მუშაობაში, მათ შორის საარჩევნო კამპანიის დაგეგმვასა და განხორციელებაში.

მისივე თქმით, „ქართული ოცნება“ საარჩევნო სიის წარდგენას სექტემბერში გეგმავს.

„საარჩევნო სიებთან დაკავშირებით მიმდინარე კონსულტაციები აგვისტოში დასრულდება და ვგეგმავთ სექტემბერში წარვადგინოთ სია, სადაც იქნებიან ჩვენი გუნდის გამოცდილი წევრები და ასევე იქნებიან ახალი თანაგუნდელებიც, რომლებიც მეტ ენერგიას შემოიტანენ გუნდში. მინდა გითხრათ, რომ წარმოდგენილი იქნებიან ქალი პოლიტიკოსები, ვინაიდან ჩვენ მივიღეთ მნიშვნელოვანი საკანონმდებლო ცვლილება ქალთა პოლიტიკაში მონაწილეობის მხარდასაჭერად“, - განაცხადა არჩილ თალაკვაძემ.

პარლამენტის თავმჯდომარის განცხადებით, „ქართული ოცნების“ ყველა ლიდერი აქტიურად მონაწილეობს საარჩევნო კამპანიაში.

„კამპანიას ძალიან აქტიურად ვატარებთ. პრაქტიკულად ყველა ლიდერი, რომელიც მონაწილეობს საარჩევნო კამპანიაში არის რეგიონებში. ჩვენ ვხვდებით ხალხს, ვხვდებით საზოგადოებას და რასაკვირველია, ჩვენ ხალხთან მივიტანთ იმ გეგმებს რისთვისაც ჩვენი მხარდამჭერები ფიქრობენ რომ დაგვიჭერენ მხარს“, - განაცხადა არჩილ თალაკვაძემ.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს