სამეგრელო-ზემო სვანეთის გუბერნატორის მოადგილე ნინო ვიბლიანი აცხადებს, რომ მესტიის მუნიციპალიტეტში განმეორებითი ტესტირება კორონავირუსზე 837 პირს ჩაუტარდა.
როგორც „ინტერპრესნიუსს“ ნინო ვიბლიანმა განუცხადა, ტესტირება ჩაუტარდათ, საკარანტინე სივრცეში მყოფ პირებს, ლენჯერის თემის მცხოვრებლებს და თვითიზოლაციაში მყოფებს, რომლებსაც 12-დღიანი ვადის შემდეგ უწევდათ ტესტირება.
„განმეორებითი ტესტირების შედეგები 24 საათის განმავლობაში გახდება ცნობილი. ნიმუშები გადაგზავნილია ზუგდიდის და ქუთაისის ლაბორატორიებში.
მესტიის მუნიციპალიტეტში ეპიდემიოლოგების 12 ჯგუფი მუშაობდა. პარალელურად მიმდინარეობდა თერმოსკრინინგი, რომელიც 2500-მდე პირს ჩაუტარდა, საბედნიეროდ, არცერთი ცხელების ფაქტი არ ყოფილა“,-განაცხადა ნინო ვიბლიანმა.
შეგახსენებთ, რომ 21 აგვისტოდან მესტიის მუნიციპალიტეტის ყველა სოფელსა და დასახლებაში, გარდა დაბა მესტიისა და ლენჯერისა, საკარანტინო შეზღუდვები მოიხსნა.
იხილეთ ვიდეო: მესტიის მუნიციპალიტეტში კორონავირუსზე განმეორებითი ტესტირება 837 პირს ჩაუტარდა