,,ენერგო-პრო ჯორჯიას“ ინფორმაციით, გუშინ საღამოს და დღეს დილით ძლიერმა წვიმამ, სეტყვამ და ქარმა, საგარეჯოში მწყობრიდან გამოიყვანა ელექტროგადამცემი ხაზები. გამთენიისას, მეხი დაეცა მაღალი ძაბვის 35 კვ-იან ელექტროგადამცემ ხაზს, რის გამოც საგარეჯოს რაიონის ნახევარს ელექტროენერგია შეზღუდვით მიეწოდებოდა.

,,ენერგო-პრო ჯორჯიას“ ტექნიკურმა სამსახურმა ოპერატიულად დაიწყო აღდგენითი სამუშაოები, შედეგად საგარეჯოს აბონენტებს ელექტროენერგია სტაბილურად მიეწოდება. ამ დროისთვის მიმდინარეობს ლოკალური, მცირე დაზიანებების აღმოფხვრის სამუშაოები და იმ შემთხვევაში თუ სადმე, რამდენიმე ერთულ აბონენტს ელექტროენერგია კვლავ არ მიეწოდება, უახლოეს პერიოდში მოხდება მათთვის ენერგომომარაგების აღდგენა. კახეთის რეგიონის ზოგიერთ რაიონში, ამინდი კვლავ გაუარესდა. იმ შემთხვევაში, თუ სტიქიამ ელექტროქსელის გაუარესება გამოიწვია, ,,ენერგო-პრო ჯორჯია“ ტექნიკური სამსახური მზადაა დროული რეაგირება მოახდინოს“, - ნათქვამია ,,ენერგო-პრო ჯორჯიას“ მიერ გავრცელებულ ინფორმაციაში.