ქუთაისის ლაბორატორიაში შესწავლილი 1270 ბიოლოგიური ნიმუშიდან კორონავირუსი ორ პირს დაუდასტურდა. ისინი ე.წ. ლენჯერის კლასტერიდან არიან.
დაავადებათა კონტროლის იმერეთის სამმართველოს უფროსის, გოჩა გიორგიძის ინფორმაციით, კვლევა იმერეთის რეგიონში არსებულ სამედიცინო დაწესებულებებში მოთავსებულ პაციენტებს, მედპერსონალს, კარანტინიდან გამსვლელ პირებს ჩაუტარდა, ასევე გამოიკვლიეს სვანეთიდან გადმოგზავნილი ბიოლოგიური ნიმუშები.
გიორგიძის ინფორმაციით, ორივე ახალი შემთხვევა კოვიდინფიცირებული პაციენტების კონტაქტებია, რომლებიც კარანტინში იმყოფებოდნენ. მათ ცხელების ცენტრს კორონავირუსისთვის დამახასიათებელი სიმპტომებით თავად მიმართეს.