ბათუმში, ჩაქვის მხრიდან შემოსასვლელ გზაზე მსუბუქი ავტომობილების გადაადგილება შეუფერხებლად ხორციელდება. ამის შესახებ „ინტერპრესნიუსს“ აჭარის მთავრობიდან აცნობეს.
რაც შეეხება გასასვლელ გზას, უკვე დაიწყო ეტაპობრივად ტრანსპორტის გადაადგილება.
ადგილზე იმყოფებოდა აჭარის მთავრობის თავმჯდომარე თორნიკე რიჟვაძე და ბათუმის მერის მოვალეობის შემსრულებელი არჩილ ჩიქოვანი.
საგანგებო რეჟიმში მუშაობა გრძელდება.
შეგახსენებთ, ბათუმი - მახინჯაურის დამაკავშირებელ ცენტრალურ საავტომობილო გზაზე, ძლიერი ნალექის გამო სატრანსპორტო მოძრაობა შეფერხებული იყო.