ბათუმიდან თბილისის მიმართულებით მოძრავი მატარებელი 19:05 საათის ნაცვლად 20:00 საათზე დაიძრება. ამის შესახებ „საქართველოს რკინიგზის“ მიერ გავრცელებულ ინფორმაციაშია ნათქვამი.

„საქართველოს რკინიგზა“ ითვალისწინებს მგზავრების თხოვნას და გამომდინარე იქიდან, რომ ბათუმში უამინდობის გამო მგზავრები ვერ ახერხებენ სადგურში დროულად მისვლას, თბილისის მიმართულებით მოძრავი Stadler Kiss-ის (#807) მატარებელი 19:05-ის ნაცვლად დაიძრება 20:00 საათზე“, - ნათქვამია ინფორმაციაში.

შეგახსენებთ, ბათუმში დღეს მოსულმა უხვმა ნალექმა პრობლემები შექმნა. გართულებულია ქალაქში გადაადგილება.