სერგეი ლავროვი - ბელარუსში სიტუაცია ნორმალიზდება, მაგრამ არიან ისეთები, რომლებსაც ეს არ მოსწონთ და უკრაინის სცენარი სურთ

ბელარუსში სიტუაცია ნორმალიზდება, მაგრამ ეს ყველას არ მოსწონს და არიან ისეთები, რომლებსაც სურთ, მოვლენების განვითარების ეს მშვიდობიანი ტენდენცია უკრაინის სცენარად გადაიქცეს, - ამის შესახებ რუსეთის საგარეო საქმეთა მინისტრმა სერგეი ლავროვმა ბელარუსში მიმდინარე მოვლენების კომენტირებისას განაცხადა.

მისივე თქმით, ბელარუსი ხალხი თავად გადაწყვეტს, თუ როგორ მოაგვაროს სიტუაცია.

„ჩვენი მიდგომა ძალიამ მარტივია: ეს ბელარუსის შიდა საქმეა. ბელარუსი ხალხი თავად გადაწყვეტს, თუ როგორ მოაგვაროს ეს სიტუაცია. მთავარია, არეულობის გარედან პროვოცირება არ მოხდეს,“ - აღნიშნა ლავროვმა.

რუსეთის საგარეო საქმეთა მინისტრის მტკიცებით, მოსკოვი დიალოგთან დაკავშირებით ბელარუსი ლიდერების არანაირი გადაწყვეტილების წინააღმდეგ არ წავა.

„ჩვენ არანაირი გადაწყვეტილების წინააღმდეგ არ წავალთ, რასაც ბელარუსის ხელმძღვანელობა საკუთარ ხალხთან დიალოგის გამართვასთან დაკავშირებით მიიღებს, მაგრამ როდესაც დასავლეთი აცხადებს, რომ მხოლოდ დასავლეთის ქვეყნების შუამავლობა იქნება ეფექტური, ყველას, რა თქმა უნდა, ახსენდება, როგორ განვითარდა ეს ყველაფერი უკრაინაში,“ - აღნიშნა ლავროვმა.

შეგახენებთ, ბელარუსში 9 აგვისტოს საპრეზიდენტო არჩევნების შემდეგ საპროტესტო აქციები არ წყდება. აქციის მონაწილეები არჩევნების ოფიციალურ შედეგებს არ ცნობენ და პრეზიდენტ ალექსანდრე ლუკაშენკოს გადადგომას მოითხოვენ. აქციების დაწყების დღიდან სამართალდამცავებმა ათასობით ადამიანი დააკავეს. პროტესტს სულ მცირე 4 ადამიანის სიცოცხლე ემსხვერპლა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს