შაქარაშვილის საქმეზე ბრალდებული გიგა ტატიაშვილის ადვოკატი - ადამიანი აბსოლუტურად უდანაშაულოა, მის მიმართ პატიმრობის გამოყენება სამართალთან შეუთავსებელია

გიორგი შაქარაშვილის საქმეზე ბრალდებული მოჭიდავის გიგა ტატიაშვილის ადვოკატის გიორგი ყიფშიძის ინფორმაციით, დღევანდელ სასამართლო სხდომაზე შუამდგომლობის დაყენებას არ გეგმავს.

ადვოკატის განცხადებით, აბსოლუტურად უდანაშაულო ადამიანის მიმართ რაიმე ტიპის ღონისძიების გამოყენება სამართალთან შეუთავსებელია.

,,ჩვენ შუამდგომლობის დაყენებას არ ვაპირებთ. პირველივე სხდომაზე კატეგორიულად მოვითხოვეთ, რომ არ ყოფილიყო გამოყენებული არანაირი აღკვეთის ღონისძიება. ადამიანი რომელიც არის აბსოლუტურად უდანაშაულო, მის მიმართ რაიმე ტიპის ღონისძიების გამოყენება სამართალთან შეუთავსებელია. ჩვენი პოზიცია დღესაც უცვლელია და იქნება მანამ, სანამ გიგა ტატიაშვილი არ დატოვებს საპატიმროს. დღეს არაფერს არ ველოდები, უბრალოდ ვალდებულებიდან გამომდინარე ჩამოვედი. მიმაჩნია, რომ სასამართლო აკეთებს იმას, რაც წინასწარი სცენარით არის დაწერილი,” - განაცხადა გიორგი ყიფშიძემ.

შეგახსენებთ, რომ ფეხბურთელ გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს 19 ივნისს მიმართა. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. აღნიშნულ საქმეზე დაკავებულია 17 პირი, მათგან 6 არასრულწლოვანია.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა