მცხეთის, ყაზბეგის, დუშეთისა და თიანეთის მაჟორიტარი დეპუტატობის კანდიდატის, შალვა კერესელიძის განცხადებით, სახელმწიფო ყველაფერს აკეთებს შატილში მომხდარი ავტოავარიისას დაშავებულთა გადასარჩენად. კერესელიძე გარდაცვლილი ადამიანების ოჯახის წევრებს სამძიმარს უცხადებს.
ამის შესახებ ინფორმაციას კერესელიძის პრესსამსახური ავრცელებს. მათი ცნობით, შალვა კერესელიძე შემთხვევის ადგილზე იმყოფებოდა.
დეპუტატობის კანდიდატის თქმით, ჯანდაცვის სამინისტროსა და შინაგან საქმეთა სამინისტროს შესაბამისმა სამსახურებმა ოპერატიულად იმუშავეს.
„ძალიან დიდი იმედი მაქვს, რომ ავარიის შედეგად დაშავებული 3 ადამიანის სიცოცხლეს საფრთხე არ დაემუქრება და ისინი უახლოეს მომავალში გამოჯანმრთელდებიან“, – განაცხადა შალვა კერესელიძემ.