თელავის რაიონულმა სასამართლომ პანკისში მომხდარ დაპირისპირებაში მონაწილე არბი ქავთარაშვილს 11 წლით, ხოლო რამაზ ხანგოშვილს 9 წლით პატიმრობა მიუსაჯა.
მანამდე, სასამართლო სხდომაზე ბრალდების და დაცვის მხარეები დასკვნითი სიტყვით წარსდგნენ.
სასამართლო პროცესს ესწრებოდნენ ბრალდებულების ოჯახის წევრები.
ცნობისთვის, შემთხვევა 2019 წლის 27 ნოემბერს ახმეტის მუნიციპალიტეტის სოფელ საკობიანოში მოხდა. დაპირისპირების დროს 37 წლის ვისური მუთოშვილი მოკლეს, რამდენიმე პირი კი დაიჭრა.