გერმანიაში, ბოლო 24 საათში, კორონავირუსის 1 576 შემთხვევა დადასტურდა და ინფიცირებულთა საერთო რაოდენობა 236 429-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.
ამავე მონაცემების თანახმად, გერმანიაში ბოლო პერიოდში დაფიქსირებული კორონავირუსის შემთხვევების 42% საერთაშორისო მოგზაურობასთანაა დაკავშირებული, რის გამოც საზღვარგარეთიდან ჩასულებს დანარჩენ მოქალაქეებთან შედარებით უფრო ხშირად ჩაუტარებენ კორონავირუსზე ტესტს.
შემთხვევების უმეტესობა დაკავშირებულია კოსოვოსთან, ხორვატიასთან, თურქეთთან, ბოსნია და ჰერცეგოვინასა და ბულგარეთთან.