ზუგდიდში ავარიას 6 წლის ბავშვი ემსხვერპლა - არსებული ინფორმაციით, მანქანას ბავშვის დედა მართავდა

ზუგდიდის მუნიციპალიტეტის სოფელ ტყაიაში ავტოსაგზაო შემთხვევას 6 წლის ბავშვი ემსხვერპლა. არსებული ინფორმაციით, მანქანას ბავშის დედა მართავდა. შემთხვევა სახლის ეზოში მოხდა.

სოფლის რწმუნებული ედემ კეკუტია "ინტერპრესნიუსს" უბედური შემთხვევის ფაქტს უდასტურებს, თუმცა მართავდა თუ არა ავტომანქანას ბავშვის დედა არ იცის.

„ნამდვილად მოხდა ფაქტი. ეზოდან გაჰყავდა მანქანა, თუმცა არ ვიცი, დედა იჯდა საჭესთან თუ სხვა ვინმე. გამოძიება დაწყებულია. როგორც ვიცი, ჯერ არავინ დაუკავებიათ",- აცხადებს სოფლის რწმუნებული.

შემთხვევა გუშინ მოხდა. ბავშვი ჯერ ზუგდიდის რეფერალურ ჰოსპიტალში მძიმე მდგომარეობაში შეიყვანეს, შემდეგ კი ქუთაისში გადაიყვანეს, თუმცა მედიკოსებმა მისი გადარჩენა ვერ შეძლეს. თავდაპირველად შს სამინისტრომ გამოძიება სსკ-ის 124-ე მუხლით დაიწყო, რაც გაუფრთხილებლობით ჯანმრთელობის დაზიანებას გულისხმობს, თუმცა გადაკვალიფიცირდება თუ არა აღნიშნული მუხლი, ჯერჯერობით უცნობია.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს