ბოლო 24 საათში კორონავირუსის 8 ახალი შემთხვევიდან ორი აჭარაში გამოვლინდა. როგორც აჭარის საზოგადოებრივი ჯანდაცვის ცენტრში აცხადებენ, ერთი ინფიცირებული მოლდოვას მოქალაქე, საერთაშორისო გადაზიდვების ავტომანქანის მძღოლია. ის მკურნალობის კურსს ბათუმის რესპუბლიკურ საავადმყოფოში გადის. მეორე ინფიცირებული გუშინ გამოვლენილი მძღოლის ოჯახის კონტაქტია.
„გასული დღე-ღამის განმავლობაში აჭარაში დაფიქსირდა ორი ახალი შემთხვევა, ერთი საერთაშორისო გადაზიდვების მძღოლია, მეორე ინფიცირებული კი, ახალგაზრდა მამაკაცი, გუშინ დადასტურებული შემთხვევის კონტაქტია. ამ შემთხვევის ირგვლივ ეპიდკვლევა გრძელდება“, - განაცხადა აჭარის ჯანდაცვის ცენტრის დირექტორის მოადგილე ნონა ეფაძემ.