ნოდარ ხარშილაძე - თუ „ნაცმოძრაობა“ სააკაშვილს პრემიერად დაასახელებს, იგივე წრეზე წავალთ და 31 ოქტომბერს იქნება „რეფერენდუმი“ - მიშა თუ ბიძინა

საკმაოდ უარყოფითი რეაქცია აქვს მიხეილ სააკაშვილის დასახელებას პრემიერად, როგორც პირველი პირის აღქმას. ამიტომ, ვფიქრობ, რომ ეს არ არის სწორი გადაწყვეტილება და ბევრად უკეთესი იქნებოდა, მათ უფრო ახალ სახეზე გაეკეთებინათ გათვლა, - ასე აფასებს „საქართველოს სტრატეგიისა და საერთაშორისო ურთიერთობების კვლევის ფონდის" ექსპერტი ნოდარ ხარშილაძე „ინტერპრესნიუსთან“ საუბრისას გავრცელებულ ინფორმაციას, რომ „ნაციონალურმა მოძრაობამ“ პრემიერ-მინისტრობის კანდიდატად შესაძლოა, მიხეილ სააკაშვილი დაასახელოს.

ხარშილაძის მოსაზრებით, რთული სათქმელია, რა ლოგიკას ეფუძნება „ნაციონალური მოძრაობის“ ეს გადაწყვეტილება.

„თუმცა, ფაქტია, რომ მიხეილ სააკაშვილი, როგორც პრემიერ-მინისტრობის კანდიდატი, ნებისმიერ შემთხვევაში არჩევნებში მონაწილეობას ვერ მიიღებს. ვერ ჩამოვა, რადგან ამას კანონი უკრძალავს. ასევე, ისიცაა, რომ კონტრპროდუქტიულია, იმიტომ, რომ საკმაოდ უარყოფითი რეაქცია აქვს თვითონ მიხეილ სააკაშვილის დასახელებას პრემიერად, როგორც პირველი პირის აღქმას. ამიტომ, ვფიქრობ, რომ ეს არ არის სწორი გადაწყვეტილება და ბევრად უკეთესი იქნებოდა, რომ მათ უფრო ახალ სახეზე გაეკეთებინათ გათვლა. ერთი რამ აშკარაა, რომ თუ ეს გადაწყვეტილება მიიღეს, ისევ იგივე წრეზე წავალთ, ისევ იქნება „რეფერენდუმი“- მიშა თუ ბიძინა. ასე არ გამოდის, „ნაცმოძრაობა“ მაგას უნდა მიხვდეს და დაანებოს თავი ამ „რეფერენდუმის“ ჩატარებას ყოველ არჩევნებზე“, - განაცხადა ნოდარ ხარშილაძემ.

რაც შეეხება „სტრატეგია აღმაშენებლის“ მიერ პრემიერ-მინისტრის კანდიდატად გიოგრი ვაშაძის დასახელებას, ხარშილაძის თქმით, ვაშაძეს კანონი ხელს არ უშლის თეორიულად გახდეს პრემიერ-მინისტრი, რისი შესაძლებლობაც სააკაშვილს ამ ეტაპზე კანონით არ აქვს.

„შესაბამისად, ვაშაძეს შანსი აქვს გახდეს პრემიერ-მინისტრი, თუნდაც თეორიულად, იმ შემთხვევაში, თუ კომპრომისული კანდიდატი იქნა ოპოზიციის მხრიდან. მიხეილ სააკაშვილს ამაში ჯერჯერობით ხელს უშლის არსებული კანონმდებლობა და მის წინააღმდეგ აღძრული საქმე. მათ შორის კონკურენტობაზე საუბარი რთულია, „ნაციონალურ მოძრაობას“ მხარდამჭერი მეტი ჰყავს, მაგრამ, ჩემი აზრით, სწორია განცხადება იმაზე, რომ ყველა პარტიამ უნდა დაასახელოს თავისი კანდიდატი“, - განაცხადა ნოდარ ხარშილაძემ.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს