ირაკლი სესიაშვილი - მიხეილ სააკაშვილის ბოდიში უსინდისოდ ნათქვამი ბოდიშია - მკვლელობებზე, წამებაზე, ქონებების წართმევაზე ბოდიში არ კმარა

პარლამენტის თავდაცვისა და უშიშროების კომიტეტის თავმჯდომარის, ირაკლი სესიაშვილის განცხადებით, ექსპრეზიდენტ მიხეილ სააკაშვილის მიერ ბოდიშის მოხდა იძულებითი ნაბიჯია, რომელიც პოლიტიკურ ინტერესებზეა გათვლილი.

როგორც მან ჟურნალისტებს განუცხადა, სააკაშვილი ამ გზით ცდილობს, არჩევნებზე გარკვეული ქულები დაიწეროს.

„პირველ რიგში, ეს ბოდიში არის იძულებითი. 8 წლის განმავლობაში ერთხელ რომ არ მოიხდი ბოდიშს და 8 წლის შემდგომ ბოდიშზე მიდიხარ, ისევ და ისევ ძალაუფლებისთვის. ისევ და ისევ იმისთვის, რომ არჩევნებზე გარკვეული ქულები დაიწეროს. ამ ბოდიშის არავის სჯერა. ეს არის უსინდისოდ ნათქვამი ბოდიში და თუ ის ბოდიშს იხდის მკვლელობებზე, წამებებზე, ქონებების წართმევაზე, ამას ბოდიში არ კმარა. ამაზე კონკრეტულად სისხლის სამართლის კოდექსში არის შესაბამისი პასუხისმგებლობები. ამიტომ, მას ელოდება მართლმსაჯულება, რადგან მან პასუხი უნდა აგოს ამ დანაშაულებზე. მისი ბოდიში მხოლოდ და მხოლოდ პოლიტიკურ ინტერესებზეა გათვლილი“, - განაცხადა სესიაშვილმა.

სესიაშვილის თქმით, მიხეილ სააკაშვილისა და მისი პარტიის ძალაუფლებაში მოსვლა საფრთხეს არ წარმოადგენს.

„ქართული ოცნების“ საზრუნავი არ არის დამნაშავე სააკაშვილისა და მისი პარტიის რაიმე ფორმით ძალაუფლებაში მოსვლა. ეს არ არის საფრთხე. „ქართული ოცნებისთვის“ მთავარი ამოცანა და გამოწვევა არის ის პრობლემები, რომელიც ქვეყნის წინაშეა. დაწყებული ოკუპაციით და დამთავრებული სოციალური საკითხებით. ამიტომ, ჩვენ ჩვენს გამარჯვებაში დარწმუნებული ვართ. ამასთანავე, მთლიანად ორიენტირებული ვართ მოსახლეობის, ქვეყნის პრობლემებზე. ასე მშვიდად მივალთ არჩევნებამდე. მერწმუნეთ, რომ ამ ქვეყანაში სამაგალითო არჩევნები ჩატარდება“, - აცხადებს სესიაშვილი.

მისი თქმით, არჩევნებში „ქართული ოცნება“ დამაჯერებლად გაიმარჯვებს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს