„ევროპული საქართველოს” მაჟორიტარობის კანდიდატი ტყიბულის, თერჯოლის, ზესტაფონისა და ბაღდათის ოლქში, გიგი წერეთელი, მარიამობის დღესასწაულთან დაკავშირებულ საზეიმო წირვა-ლოცვას ზესტაფონის საკათედრო ტაძარში დაესწრო და მრევლს დღესასწაული მიულოცა.
„მინდა ეს დიდი დღესასწაული, რომელსაც მართლმადიდებლური სამყარო და საქართველო განსაკუთრებულად აღნიშნავს, მივულოცო თითოეულ ოჯახს, ჩვენს ქვეყანას, ვუსურვო მათ ღვთისმშობლის წყალობა, სიკეთე, სიმშვიდე, ერთიანობა და კეთილდღეობა“,- განაცხადა გიგი წერეთელმა.
ის ზესტაფონის მუნიციპალიტეტის სოფელ არგვეთაშიც იმყოფებოდა, სადაც X-XI საუკუნის ღვთისმშობლის მიძინების სახელობის მონასტერში შესრულებულ წირვას დაესწრო.
ინფორმაციას „ევროპული საქართველოს” პრესსამსახური ავრცელებს.