ტყიბულში მეშახტის დღეს აღნიშნავენ

იმერეთში სახელმწიფო რწმუნებული ზვიად შალამბერიძე მეშახტეებს პროფესიულ დღეს ულოცავს. ამის შესახებ ზვიად შალამბერიძემ ტყიბულში განაცხადა, სადაც მეშახტის დღის აღსანიშნავი ღონისძიებები დილიდან მიმდინარეობს.

„მინდა, ყველა მეშახტეს მივულოცე პროფესიული დღე და მადლობა გადავუხადო მათ იმ წვლილისთვის, რაც მათ შეაქვთ ამ დარგის და მთლიანად ეკონომიკის განვითარებაში, ჩვენ, სახელმწიფო ყველაფერს გავაკეთებთ იმისთვის, რომ მათი საქმიანობა კიდევ უფრო დაფასებული იყოს და კიდევ უფრო მეტი როლი ითამაშონ მათ ჩვენი ქვეყნის განვითარებაში", - განაცხადა ზვიად შალამბერიძემ.

იმერეთში სახელმწიფო რწმუნებულმა ზვიად შალამბერიძემ და კომპანია "საქნახშირის" გენერალურმა დირექტორმა ზურაბ აღდგომელაშვილმა მეშახტეთა შრომის დიდების მეორიალს გვირგვინით შეამკეს.

იმერეთში სახელმწიფო რწმუნებულის პრესსამსახურის ინფორმაციით, მეშახტის დღესთან დაკავშირებით მთელი დღის განმავლობაში სხვადასხვა კულუტურული ღონისძიებაა დაგეგმილი, რომელშიც ცნობილი მსახიობები და მომღერლები მიიღებენ მონაწილეობას.

ასევე დაგეგმილია შეჯიბრი ქართულ ჭიდაობაში, ქუჩის თეატრის კოსტიუმირებული მსვლელობა და გასართობი პროგრამა, მოზარდებს საბავშვო ატრაქციონები უმასპინძლებს, ბავშვებისთვის ხატვის კონკურსიც გაიმართება, რომელში გამარჯვებულს კომპანია "საქნახშირი" დაასაჩუქრებს.

დღის ბოლოს ადგილობრივი შემოქმედებითი ანსაბლების გამოსვლა, შემდეგ კი დასკვნითი კონცერტი გაიმართება.

ღონისძიება გრანდიოზული ფოიერვერკით დასრულდება.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს