საქართველოში კორონავირუსის 18 ახალი შემთხვევიდან 5 აჭარაში გამოვლინდა. როგორც ბათუმის რესპუბლიკური საავადმყოფოს ექიმი გია კიკაბიძე აცხადებს, ორი თურქეთის მოქალაქეა, ისინი სატვირთო ავტომობილის მძღოლები არიან და მათივე გადაწყვეტილებით, მკურნალობას სამშობლოში გააგრძელებენ. ორი კი საკარანტინო სივრციდანაა, რომლებსაც უცხოეთში მოგზაურობის ისტორია აქვთ, ერთი კი დადასტურებული შემთხვევის კონტაქტია.
„ამჟამად რესპუბლიკურ საავადმყოფოში არის 28 კოვიდინფიცირებული. აქედან თორმეტს აღენიშნება პნევმონია, სხვადასხვა ხარისხის. სხვა პაციენტების მდგომარეობა სტაბილურია. ამ ეტაპზე მძიმე პაციენტი არ გვყავს", - განაცხადა გიორგი კიკაბიძემ.