რუსთავში, გვიან ღამით ხანძარი იყო. ცეცხლი მე-7 მიკრო რაიონში, საცხოვრებელი კორპუსის მეორე სართულზე, ბინაში გაჩნდა. ადგილზე სახანძრო-სამაშველო ბრიგადები, საპატრულო პოლიცია და სასწრაფო-სამედიცინო დახმარების ბრიგადა იყო მობილიზებული. ბინაში დედა ორ მცირეწლოვანთან ერთად იმყოფებოდა, თუმცა მათი გარეთ გამოყვანა მაშველებმა და პატრულმა დროულად შეძლეს.
ძლიერი დაკვამლიანების გამო სამედიცინო დახმარების გაწევა ადგილზე რამდენიმე პირს დასჭირდა, ერთი კი კლინიკაში გადაიყვანეს. ხანძრის შედეგად დაიწვა ორი ოთახი და საყოფაცხოვრებო ნივთები. ცეცხლის გაჩენის მიზეზი ამ ეტაპზე უცნობია.