ბათუმში, კერძო საბავშვო ბაღების მეპატრონეები და თანამშრომლები საპროტესტო აქციას მართავენ

ბათუმში, ევროპის მოედანზე კერძო საბავშვო ბაღების მეპატრონეები და თანამშრომლები საპროტესტო აქციას მართავენ. ისინი საქმიანობის განახლებას მოითხოვენ და აცხადებენ, რომ პირველი სექტემბრიდან სრულ მზადყოფნაში არიან აღსაზრდელების მისაღებად.

მათივე თქმით, ჯანდაცვის სამინისტროს ყველა რეკომენდაციას ითვალისწინებენ.

„საჯარო ბაღებისგან განსხვავებით, სადაც ჯგუფში 40-45 ბავშვია, ჩვენ 15-16 გვყავს, ყველა რეკომენდაცია გავითვალისწინეთ, როგორც ქცევის წესების, ასევე ჰიგიენის თვალსაზრისით. იმის ნაცვლად, რომ დღეს მუშაობა დაგვეწყო, აქციაზე გვიწევს დგომა. მოვითხოვთ, ნუ შელახავენ ჩვენს შრომით უფლებებს",-განაცხადა ერთ-ერთი ბაღის ხელმძღვანელმა ირინა ბოჭორიშვილმა.