„თავისუფალმა საქართველომ“ ზემო იმერეთში მაჟორიტარი კანდიდატი წარადგინა

წინასაარჩევნო კამპანიის ფარგლებში, „თავისუფალი საქართველოს“ ლიდერებმა დღეს ზემო იმერეთში საქართველოს პარლამენტის მაჟორიტარ კანდიდატად როსტომ ცარციძე წარადგინეს.

პარტიის ლიდერის, კახა კუკავას განცხადებით, 2020 წლის საპარლამენტო არჩევნები ქვეყნისთვის გარდამტეხი იქნება და ამ პროცესების განვითარებას „თავისუფალი საქართველო“ ხელს აქტიურად შეუწყობს.

„ჩვენი მხარდამჭერები საქართველოს ყველა რეგიონში არიან, მათ შორის ამ ულამაზეს კუთხეში, ამიტომაც ჩვენი ამომრჩევლების წინაშე დღეს წარვადგენთ ადამიანს, რომელიც მზად არის ზემო იმერეთის მოსახლეობის ინტერესები მაქსიმალურად დაიცვას და მთელი თავისი ცოდნა, ენერგია და გამოცდილება ქვეყნისა და საზოგადოების ინტერესებს მოახმაროს “,- განაცხადა კახა კუკავამ.

„თავისუფალი საქართველოს“ თანათავმჯდომარის, გოგი წულაიას განცხადებით კი, 2020 წლის საპარლამენტო არჩევნებში ქართველმა ამომრჩეველმა, დღეს არსებული ხელისუფლება სახლში უნდა გაუშვას.

„ხელისუფლება, რომელიც საკუთარ კეთილდღეობაზე ზრუნავს და ხალხს, წინასაარჩევნოდ, მხოლოდ კარტოფილითა და ბოსტნეულით უმასპინძლდება, სახლში უნდა წავიდეს. ის, რაც ქვეყანაში ხდება, სწორედ მათ სინდისზეა. ხალხი ქვეყნიდან გარბის, ვინც ქვეყანაშია დარჩენილი კი, უმუშევრობას განიცდის და ყოველ დღე ღარიბდება, სამაგიეროდ „ქართულ ოცნებას“ თავისი აქტივისტები ჰყავს დასაქმებული, რომლებიც ხელფასებსა და ფინანსურ დანამატებს უსაქმურობაში იღებენ “,- განაცხადა წულაიამ.

„თავისუფალი საქართველოს“ პრესსამსახურის ინფორმაციით, ამომრჩევლების წინაშე სიტყვით გამოსვლისას დეპუტატობის კანდიდატმა როსტომ ცარციძემ აღნიშნა, რომ ქვეყნის ძირითადი პრობლემა ის განუხორციელებელი დაპირებებია, რომელიც ხელისუფლების მხრიდან თავის დროზე უხვად გაიცა, თუმცა მნიშვნელოვანი ამ მიმართულებით არაფერი გაკეთებულა.

„მასობრივი უმუშევრობა და უიმედობაა ქვეყანაში. კვლავ მოუგვარებელია სასმელი წყლის, გზების სისტემები, რეგიონი მოსახლეობისგან იცლება, განსაკუთრებით კი, მშობლიურ მხარეს ახალგაზრდები ტოვებენ იმის გამო, რომ მათ აქ ცხოვრებისა და განვითარების თითქმის არანაირი პერსპექტივები აღარ გააჩნიათ“, - განაცხადა როსტომ ცარციძემ.

პარტიის პრესსამსახურის ინფორმაციით, „თავისუფალი საქართველო“ წინასაარჩევნო კამპანიის ფარგლებში, ხვალ მაჟორიტარი დეპუტატობის კანდიდატს, თამარ ფაჩულიას ფოთში წარადგენს.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს