აჭარის ავტონომიური რესპუბლიკის უმაღლესი საბჭოს განათლების, მეცნიერების კულტურისა და სპორტის საკითხთა კომიტეტის თავმჯდომარემ, ლადო მგალობლიშვილმა საკანონმდებლო ორგანოს ბიუროს ახალი - აჭარის ავტონომიურ რესპუბლიკაში კულტურის ხელშეწყობის შესახებ საკანონმდებლო ინიციატივა წარუდგინა.
როგორც „ინტერპრესნიუსს“ აჭარის უმაღლესი საბჭოდან აცნობეს, საკანონმდებლო პაკეტი განსაზღვრავს სახელისუფლებო ორგანოების როლს კულტურის სფეროში.
„კანონპროექტი ასევე უზრუნველყოფს საკანონმდებლო დონეზე კულტურის მხარდაჭერის გარანტიებს. კანონპროექტი განსახილველად უმაღლესი საბჭოს კომიტეტებში ჩაეშვა“,- ნათქვამია ინფორმაციაში.