ინფექციური პათოლოგიის, შიდსის და კლინიკური იმუნოლოგიის ცენტრის ინფორმაციით, მიმდინარე წელს საქართველოში აივ ინფიცირების 372 ახალი შემთხვევა გამოვლინდა. გასულ წელს შესაბამის პერიოდში კი 449 ახალი შემთხვევა გამოვლინდა.

2 სექტემბრის მონაცემებით, ინფექციური პათოლოგიისა და შიდსის ცენტრში რეგისტრირებულია 8474 აივ ინფიცირებული პირი. მათ შორის 6326 მამაკაცია და 2148 ქალი. პაციენტთა უმრავლესობა 29-დან 39 წლამდეა. შიდსი 4340 პაციენტს განუვითარდა და 1734 გარდაიცვალა.

„2 სექტემბრის მონაცემებით აივ მკურნალობას იტარებს 5220 პაციენტი, მათ შორის 46 ბავშვია.

რეგისტრირებულ შემთხვევათა განაწილება გადაცემის გზების მიხედვით ასეთია: 36.6 % (3107) - ნარკოტიკების ინექციური მომხმარებელია; 49.0 % (4150) - დაინფიცირდა ჰეტეროსექსუალური კონტაქტის შედეგად; 1.3 % (109) - დაინფიცირდა ვერტიკალური გადაცემის გზით;0.5 % (41) - სისხლის რეციპიენტია; 0.6 % (47) - გადაცემის გზა დაუდგენელია;

აივ ინფიცირების ყველაზე მეტი შემთხვევა რეგისტრირებულია თბილისში (3148 შემთხვევა, მათგან 87 უცხოეთის მოქალაქეა, 2 დაუდგენელი); სამეგრელოში - 1165; იმერეთში - 1017; აჭარაში - 970; აფხაზეთში- 528; კახეთში - 419, ქვემო ქართლში - 485; შიდა ქართლში - 314; გურიაში - 180; სამცხე-ჯავახეთში - 113 და ა.შ.

2020 წელს 99 აივ ინფიცირებული გარდაიცვალა. მათ შორის 79 მამაკაცია და 20 ქალი.

სულ საქართველოში გამოვლენილია 116 აივ ინფიცირებული ბავშვი. მათ შორის 70 - ვაჟი, 46 - გოგონა. 27 გარდაიცვალა. 3 გავიდა ქვეყნიდან. განაწილება ინფიცირების გზების მიხედვით შემდეგია : ვერტიკალური (დედიდან) გადაცემით - 108 შემთხვევა (მათგან 1 - ძუძუთი კვებით);სისხლის რეციპიენტი - 4; დაუდგენელი - 2 “,- აღნიშნულია ცენტრის მიერ გავრცელებულ ინფორმაციაში.