აჭარის მთავრობის სახლთან თურქეთში დასაქმებულმა მოქალაქეებმა საპროტესტო აქცია გამართეს. როგორც მათ განაცხადეს, ისინი ქალაქ ქემალფაშაში ყოველდღიურად სამუშაოდ გადადიოდნენ და პანდემიის გამო უმუშევარი დარჩნენ.

აქციის მონაწილეების განცხადებით, 300-ლარიანი ერთჯერადი დახმარება საკმარისი არ არის.

"თურქეთთან საზღვარი რამდენიმე თვეა უკვე ჩაკეტილია, დაგვერიცხა 300 ლარი ერთჯერადად, თუმცა ოჯახებისთვის ეს საკმარისი არ არის. ფაქტობრივად, ლუკმა-პურის ფული არ გვაქვს. ვთხოვთ, მთავრობას რომ მოგვაქციოს ყურადღება და 300-ლარიანი დახმარება საზღვრის გახსნამდე დაგვინიშნონ",- აცხადებენ აქციის მონაწილეები.