აჭარის ჯანდაცვის მინისტრის ინფორმაციით, ეპიდემიოლოგიური ჯგუფი „დონას“ თანამშრომლების ინფიცირების წყაროს დადგენას ცდილობს, თუმცა ეს რთული იქნება

აჭარის ჯანდაცვის მინისტრის ინფორმაციით, ეპიდემიოლოგიური ჯგუფი „დონას“ თანამშრომლების ინფიცირების წყაროს დადგენას ცდილობს, თუმცა ეს რთული იქნება

აჭარაში ეპიდსიტუაცია საგანგაშო არ არის, თუმცა საყურადღებოა,- ამის შესახებ აჭარის ჯანდაცვის მინისტრმა ნინო ნიჟარაძემ "ინტერპრესნიუსთან" საუბრისას განაცხადა. მინისტრის ინფორმაციით, ე.წ. დონას კლასტერის ირგვლივ კონტაქტების კვლევა მიმდინარეობს და მათთან კონტაქტში მყოფი 100-მდე პირი საკარანტინო სივრცესა და თვითიზოლაციაში არიან გადაყვანილი.

ნინო ნიჟარაძის განცხადებით, ეპიდემიოლოგიური ჯგუფი „დონას“ თანამშრომლების ინფიცირების წყაროს დადგენას ცდილობს, თუმცა ეს რთული იქნება .

რაც შეეხება ბათუმის რესპუბლიკურ საავადმყოფოს, სადაც კორონავირუსით ინფიცირებული 46 პაციენტი მკურნალობს, მინისტრი ამბობს, რომ მათი მდგომარეობა სტაბილურია და მსუბუქი მიმდინარეობისაა. ნინო ნიჟარაძის განცხადებით, ბათუმის რესპუბლიკური საავადმყოფოს მედ-პერსონალი აღჭურვილია შესაბამისი ინვეტანტარით და საჭიროების შემთხვევაში - კლინიკაში 80 -დან 170-მდე პაციენტის მოთავსება შესაძლებელია. მისივე თქმით, რეგიონში ეპიდსიტუაციის გართულებას არ ელოდებიან.