ლიეტუვამ ბელარუსი ხალხის მხარდამჭერი გეგმა დაამტკიცა, - ამის შესახებ ქვეყნის საგარეო საქმეთა მინისტრმა ლინას ლინკევიჩუსმა განაცხადა.

„დღეს ლიეტუვის მთავრობამ „ბელარუსი ხალხის მხარდამჭერი სპეციალური გეგმა“ დაამტკიცა, რომელიც რეპრესირებულების დახმარებას, ლიეტუვის უნივერსიტეტებში ბელარუსი სტუდენტების სწავლის წახალისებას, ეროვნული ვიზების მიღების ხელშეწყობასა და ლიეტუვის შრომის ბაზარში მათ ინტეგრირებას ისახავს მიზნად“, – წერს ლინკევიჩუსი სოციალურ ქსელ „ტვიტერში“.