ლევან თარხნიშვილის განცხადებით, ოპოზიციის შტაბის ხვალინდელ შეხვედრაზე სამოქმედო გეგმას განიხილავენ

„ევროპული საქართველოს“ ერთ-ერთი წევრის ლევან თარხნიშვილის განცხადებით, გაერთიანებული შტაბი ხვალ დაგეგმილ შეხვედრაზე განიხილავს, როგორ უნდა იმოქმედოს ოპოზიციამ არჩევნების დღეს და შემდეგ.

როგორც „ინტერპრესნიუსს“ თარხნიშვილმა განუცხადა, გაერთიანებული შტაბი საპარლამენტო არჩევნებზე ერთმანეთის ხმების დასაცავად შეიქმნა.

„ხვალ არის მორიგი, რიგით მეორე გაერთიანებული შტაბის შეხვედრა. თქვენ იცით, რომ შეიქმნა გაერთიანებული შტაბი საარჩევნოდ ხმების დასაცავად, რომლის ხელმძღვანელი გახლავთ პაატა დავითაია. პირველი შეხვედრა იყო „ლეიბორისტების“ ოფისში, სადაც დავგეგმეთ, თუ როგორ უნდა მოხდეს კოორდინაცია სხვადასხვა პარტიას შორის და ასევე, გადაწყდა, რომ ჩვენი შეხვედრები მონაცვლეობით სხვადასხვა ოფისში შედგებოდა. ხვალინდელი შეხვედრა ჩვენს ოფისშია დაგეგმილი და განვიხილავთ და გავაგრძელებთ კოორდინაციის საკითხების განხილვას, ანუ როგორ გავცვლით ინფორმაციას, როგორ უნდა მოხდეს მოქმედება საარჩევნო დღეს, საარჩევნო დღის შემდეგ და ა.შ.“, - განაცხადა ლევან თარხნიშვილმა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა