სოფელ ქვემო ბოლნისის მოსახლეობა წყლის განახლებული ინფრასტრუქტურით ისარგებლებს

გაერთიანებული წყალმომარაგების კომპანიამ, სოფელ ქვემო ბოლნისში არსებული წყალსადენის მკვებავი მილის რეაბილიტაციის სამუშაოებისთვის ტენდერი გამოაცხადა.

წყალმომარაგების კომპანიის ინფორმაციით, ტენდერში მონაწილეობისთვის წინადადებების მიღების ვადა 11 სექტემბერს იწურება. გამარჯვებულმა კომპანიამ საპროექტო-სამშენებლო სამუშაოები ხელშეკრულების გაფორმებიდან სამ თვეში უნდა დაასრულოს.

როგორც წყალმომარაგების კომპანიაში აცხადებენ, ამჟამად ქვემო ბოლნისში მოსახლეობას წყალი ყოველდღიურად - 6-7 საათით მიეწოდება, თუმცა, ამორტიზებული ინფრასტრუქტურის გამო, ხშირია წყლის დანაკარგებისა და ქსელის დაზიანების შემთხვევები, რაც წყალმომარაგების შეზღუდვას იწვევს.

მათი ცნობით, პროექტი ითვალისწინებს წყლის გამანაწილებელ მილსადენებთან დაკავშირებულ სამუშაოებს, მილსადენის შეცვლას სატუმბი სადგურიდან სოფელ ბოლნისში მდებარე გამანაწილებელ კვანძამდე და ძველი, ამორტიზებული მილების ახლით ჩანაცვლებას.

კომპანიის ცნობით, პროექტის დასრულების შემდეგ სოფელ ქვემო ბოლნისში მცხოვრები 3 500-მდე ადგილობრივი წყლის განახლებული ინფრასტრუქტურით ისარგებლებს, გაუმჯობესდება წყლის ხარისხი და მიწოდების გრაფიკი. სამუშაოებს 200,000.00 ლარამდე მოხმარდება.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო