საქართველოში კორონავირუსის 20 ახალი შემთხვევიდან ექვსი აჭარაში გამოვლინდა. აჭარის ჯანდაცვის სამინისტროს ინფორმაციით, ერთი სასტუმრო „ოაზისის“ ვიზიტორს, მეორე ავტობუსის მძღოლს, მესამე თურქეთის მოქალაქეს - საერთაშორისო გადაზიდვების მძღოლს დაუდასტურდა, რომელიც მკურნალობას სამშობლოში გააგრძელებს.
ასევე, ექვს ინფიცირებულთა შორის საკონდიტრო საწარმო „დონას“ „კლასტერის“ კონტაქტია, ორი კი „ცხელების ცენტრიდან“ და საკარანტინო სივრციდანაა.
ბათუმის რესპუბლიკურ საავადმყოფოში ამ დროისთვის კორონავირუსით ინფიცირებული 49 პირი მკურნალობს. ორმა გამოჯანმრთელებულმა კი კლინიკა უკვე დატოვა.