ბოლნისის მუნიციპალიტეტის, სოფელ მამხუტში შიდა საავტომობილო გზის კეთილმოწყობა უახლოეს პერიოდში დასრულდება. სამუშაოებს დღეს ბოლნისის მუნიციპალიტეტის მერი დავით შერაზადიშვილი, სივრცითი მოწყობისა და ინფრასტრუქტურის სამსახურის უფროსთან ერთად გაეცნო.

როგორც „ინტერპრესნიუსს“ ბოლნისის მუნიციპალიტეტის მერიიდან აცნობეს, სოფელ მამხუტში შიდა საავტომობილო გზის მოწყობის მე-2 ეტაპი აქტიურად მიმდინარეობს. 1100 გრძივი მეტრის მონაკვეთზე ბეტონის გზა უკვე დაიგო.

მათივე ცნობით, ამ ეტაპზე ტენდერში გამარჯვებული კომპანია გზის სანიაღვრე ქსელის მოწყობას ახორციელებს.

პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით მიმდინარეობს, რომლის საერთო ღირებულება 800 000 ლარია.

სოფელ მამხუტში გზის მშენებლობის პირველი ეტაპი 2019 წელს განხორციელდა. გზით 2400 ბენეფიციარი ისარგებლებს.