გიორგი ღვინიაშვილი საგარეჯოს რაიონის სოფელ ხაშმში ადგილობრივებს შეხვდა

„ევროპული საქართველოს“ მაჟორიტარობის კანდიდატი გურჯაანის, საგარეჯოს, დედოფლისწყაროსა და სიღნაღის ოლქში, გიორგი ღვინიაშვილი საგარეჯოს რაიონის სოფელ ხაშმში ადგილობრივებს შეხვდა და მათი პრობლემები მოისმინა, - ამის შესახებ „ინტერპრესნიუსს“ „ევროპული საქართველოდან“ აცნობეს.

გიორგი ღვინიაშვილის თქმით, როგორც ამ სოფელში, ისე სხვა სოფლებში არის მძიმე ინფრასტრუქტურული პრობლემები, რომელთა მოგვარებაც ხელისუფლებას შეუძლია, თუმცა მოსახლეობა უპატრონოდ ჰყავს მიტოვებული.

გიორგი ღვინიაშვილმა აღნიშნა, რომ ოქტომბრის არჩევნები აუცილებლად მოიტანს გარდამტეხ ცვლილებებს, ხოლო „ევროპული საქართველო“ იქნება სწორი მიმართულების კომპასი.

„როგორც ამ სოფელში, ისე სხვა სოფლებში არის უამრავი პრობლემა. რაც მთავარია, არის ისეთი პრობლემები, რომლებიც ხელისფლებას შეუძლია, რომ მარტივად მოაგვაროს. განსაკუთრეებით ამ სოფელში, ძალიან ბევრი ადამიანი არის უკიდურესად გაჭირვებული. მე მოსახლეობისაგან მოვისმინე ისეთი პრობლემები, როგორებიცაა დასალევი წყალი, იტბორება ქუჩები. ეს არის თემები, რომელთა მოგვარებაც ამ ხელისუფლებას შეეძლო 8 წლის განმავლობაში. ამიტომ ოქტომბერში, დარწმუნებული ვარ, რომ ეს ხელისუფლება დამთავრდება და სოფლებში ადამიანებს მოვუგვარებთ ელემენტარულ პრობლემებს, რათა მათი ცხოვრება უკეთესი გახდეს“, - განაცხადა გიორგი ღვინიაშვილი.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა