ინდოეთში, ბოლო 24 საათში, კორონავირუსის 83 341 ახალი შემთხვევა დადასტურდა, რაც პანდემიის დაწყების დროიდან, რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს ქვეყნის ჯანდაცვის სამინისტრო ავრცელებს. ამავე მონაცემების თანახმად, ინდოეთში დაინფიცირებულთა საერთო რაოდენობა 3 936 747-მდე გაიზარდა, აქედან 3 037 151 ადამიანი გამოჯანმრთელებულია.

რაც შეეხება ფატალურ შემთხვევებს, ქვეყანაში კოვიდ 19-ს კიდევ 1 096 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 68 472-ს მიაღწია.

ცნობისათვის, კოვიდინფიცირებულების რაოდენობით ინდოეთი მესამე ადგილზეა მსოფლიოში აშშ-სა და ბრაზილიის შემდეგ.