რუსეთში, ბოლო დღე-ღამის განმავლობაში, კორონავირუსის 5 110 ახალი შემთხვევა გამოვლინდა და დაინფიცირებულთა საერთო რაოდენობამ 1 015 105-ს მიაღწია, - ამის შესახებ ინფორმაციას კორონავირუსთან ბრძოლის მიზნით შექმნილი ოპერატიული შტაბი ავრცელებს.

კორონავირუსით რუსეთში კიდევ 121 ადამიანი გარდაიცვალა და ლეტალური შემთხვევების რიცხვმა, საერთო ჯამში, 17 649-ს მიაღწია.

ოფიციალური სტატისტიკით, რუსეთში "კოვიდ 19"-სგან 832 747 პაციენტი გამოჯანმრთელდა. ცნობისთვის, მსოფლიოში კოვიდინფიცირებულების რაოდენობით რუსეთი აშშ-ს, ბრაზილიისა და ინდოეთის შემდეგ მეოთხე ადგილზეა.