საზოგადოებრივი ჯანდაცვის ცენტრის დირექტორის ინფორმაციით, აჭარაში 58 კოვიდინფიცირებულიდან 17-ს პნევმონია აღენიშნება, ერთის მდგომარეობა საყურადღებოა

აჭარაში, ამჟამად 58 კოვიდინფიცირებული პაციენტია, აქედან 40-მდე პაციენტის ჯანმრთელობის მდგომარეობა მსუბუქი და უსიმპტომოა, 17-ს აღენიშნება პნევმონია, მაგრამ არა მძიმე, ერთი პაციენტის მდგომარეობა საყურადღებოა, - ამის შესახებ აჭარის საზოგადოებრივი ჯანდაცვის ცენტრის დირექტორის მოადგილემ ნონა ეფაძემ განაცხადა.

მისივე ინფორმაციით, კარვებსა და პოლიკლინიკებში მიმდინარეობს გაფართოებული ტესტირება.

„გუშინწინ 2000-მდე ნიმუში იყო აღებული ამ ოთხ კარავში და ხუთ პოლიკლინიკაში. უმეტესი მათგანის კვლევა დასრულებულია. დარჩენილია 300-მდე ნიმუში, რომელთა პასუხებსაც ველოდებით. აქედან ორი შემთხვევა პოლიკლინიკაში მიმართვით არის გამოვლენილი და ახალ 13 შემთხვევაში შედის. ყველა დადასტურებული შემთხვევის უკან მიმდინარეობს კონტაქტების გაფართოებული კვლევა, ყველა კონტაქტის მოძიება“, - განაცხადა აჭარის ჯანდაცვის ცენტრის დირექტორის მოადგილემ ნონა ეფაძემ.

მისივე თქმით, დამატებითი შემზღუდავი ღონისძიებების გატარება ამ ეტაპზე არ იგეგმება. მაგრამ რეკომენდაციების შესრულების მონიტორინგი გამკაცრდება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით