სამინისტროს ინფორმაციით, საგარეჯოს წყალმომარაგების სისტემის ხარვეზებს კონტრაქტორი კომპანია ეტაპობრივად გამოასწორებს

ქალაქ საგარეჯოს წყალმომარაგების სისტემის რეაბილიტაციის პროცესში გამოვლენილ ხარვეზებს, კონტრაქტორი კომპანია, ხელშეკრულების გათვალისწინებით ეტაპობრივად გამოასწორებს. ამის შესახებ „ინტერპრესნიუსს“ რეგიონული განვითარების სამინისტროდან აცნობეს.

პროექტის ფარგლებში, პირველი ფაზის სამუშაოების შედეგად, 110 კმ -იანი გამანაწილებელი ქსელი და 2800 აბონენტთან ინდივიდუალური კვანძები მოეწყო.

მათივე ინფორმაციით, სამუშაოების შესრულების პროცესს მუნიციპალური განვითარების ფონდის აღმასრულებელი დირექტორი გიორგი შენგელია გაერთიანებული წყალმომარაგების კომპანიის წარმომადგენლებთან ერთად ადგილზე გაეცნო და აღნიშნა, რომ შესრულების ხარისხთან დაკავშირებული დეფექტებისთვის კონტრაქტორ კომპანიას შესაბამისი მითითება მიეცა და იგი ყველა ხარვეზს საკუთარი ხარჯებით გამოასწორებს.

„საგარეჯოს წყალმომარაგების პირველი ფაზის სამუშაო, რაც მოიცავდა ქსელის მოწყობას, პრაქტიკულად, დასრულებულია. შესრულებული სამუშაოს ტესტირების რეჟიმში გამოიკვეთა გარკვეული ხარვეზები და დეფექტები. შესაბამისად, დღეს ვიყავით ყველა მუშა ჯგუფი, შეხვედრა შედგა მუნიციპალიტეტში. ამ სამუშაოებთან დაკავშირებით შესაბამისი მითითება მიეცა კონტრაქტორ კომპანიას. იგი თავისი ხარჯებით უზრუნველყოფს ყველა ამ დეფექტის გასწორებას. შესაბამისად, იდენტიფიცირებულია ის ადგილები, სადაც უნდა მოხდეს დამატებითი ჩარევა. ამავე დროს, დამატებითი მოკვლევის საგანი გახლავთ და შესაბამისი სტრუქტურებიც ჩართულები არიან. ვფიქრობთ, რომ მაქსიმალურად შემჭიდროვებულ ვადებში უნდა განვახორციელოთ ორივე ფაზის შეჯერებული გეგმა-გრაფიკით პროექტის განხორციელება”, - განაცხადა გიორგი შენგელიამ.

ამჟამად, საგარეჯოში მიმდინარეობს წყალმომარაგების მეორე ფაზის სამუშაოები, რაც არსებული რეზერვუარების რეკონსტრუქციას და ინდივიდუალურ გამრიცხველიანებას ითვალისწინებს.

პროექტის დასრულების შემდეგ, საგარეჯოს 2800 აბონენტი მაღალი ხარისხის წყალს გაუმჯობესებული გრაფიკით მიიღებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება