პროკურორი - პოლიციელი ლადო ბაჭულაშვილი დაიკითხა, ინფორმაცია, რომ მან გახსნა ბაჩალიაშვილის კომპიუტერი, სიმართლეს არ შეესაბამება

გარდაცვლილ თამარ ბაჩალიაშვილის საქმესთან დაკავშირებით პროკურატურამ პოლიციელი ლადო ბაჭულაშვილი დაკითხა. ამის შესახებ გენერალურ პროკურატურაში გამართულ ბრიფინგზე პროკურორმა დავით გუმბერიძემ განაცხადა.

პროკურორმა უარყო გავრცელებული ინფორმაცია, რომ ბაჭულაშვილმა თამარ ბაჩალიაშვილის კომპიუტერი გახსნა.

„დაკითხვისას მას დაესვა ყველა კითხვა, რაც ოჯახმა გააჟღერა. რაც შეეხება ინფორმაციას, რომ ლადო ბაჭულაშვილმა გახსნა კომპიუტერი, ეს არ შეესაბამება სიმართლეს გამომდინარე იქედან, რომ კომპიუტერის გახსნა მოხდა ექსპერტების მიერ ექსპერტიზისას“, - განაცხადა დავით გუმბერიძემ.

რაც შეეხება კითხვას, ამოღებულია თუ არა სატელეფონო საუბარი, როდესაც გარდაცვლილის მამის მტკიცებით მას პოლიციელი ბაჭულაშვილი ეუბნება, რომ „მისი შვილი შარშია“, დავით გუმბერიძემ განმარტა, რომ „კონკრეტულად განხორციელებული ზარები ამოღებულია, თუმცა ამ ზარების შინაარსი პროკურატურას ამოღებული არ აქვს“.

„ზარის დამადასტურებელი დეტალური მონაცემი, როდესაც ერთი პირი უკავშირდება მეორეს, ამის დამადასტურებელი ინფორმაცია საქმეზე მოიპოვება, მაგრამ რაზე შედგა საუბარი ამ ორ ადამიანს შორის, რა თქმა უნდა, ამოღებული არ არის. საუბრის ჩანაწერის ამოღება მოხდება იმ შემთხვევაში, როდესაც გვექნება ინფორმაცია, რომ სადმე მსგავსი სახის ინფორმაცია ფიქსირდება და შესაძლებლობა გვაქვს ორი პირის საუბრის ჩანაწერი ამოვიღოთ. მსგავსი ინფორმაცია გამოძიებაში არ დასახელებულა. არცერთ პირს არ მოუწოდებია ინფორმაცია და ლოგიკურია, რომ ძებნას ვერ დავიწყებთ არარსებულ ინფორმაციაზე. მამა აცხადებს, რომ კომუნიკაცია შედგა ლადო ბაჭულაშვილთან“, - განაცხადა გუმბერიძემ.

გარდა ამისა, პროკურორმა ბრიფინგზე აღნიშნა, რომ გამოკვეთილი არ არის, შეხვდა თუ არა ვინმე კონკრეტული პირი თამარ ბაჩალიაშვილს გაუჩინარების შემდეგ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო