აზერბაიჯანში ბოლო დღე-ღამის განმავლობაში კორონავირუსის 132 ახალი შემთხვევა გამოვლინდა, 2 პაციენტი კი გარდაიცვალა. ამ მონაცემებს სააგენტო „ტრენდი“ მინისტრთა კაბინეტთან არსებულ ოპერატიულ შტაბზე დაყრდნობით ავრცელებს.

ამასთან, გასულ 24 საათში ქვეყანაში 155 ინფიცირებული გამოჯანმრთელდა. საერთო ჯამში, აზერბაიჯანში კორონავირუსის 37 031 შემთხვევა ფიქსირდება. აქედან 34 419 პაციენტი გამოჯანმრთელდა, ხოლო 543 ინფიცირებული გარდაიცვალა. ამჟამად, ქვეყანაში კორონავირუსის აქტიური შემთხვევების რაოდენობა 2 069-ს შეადგენს.