კუკის კუნძულების ყოფილი პრემიერ-მინისტრი ჯოზეფ უილიამსი კორონავირუსით გარდაიცვალა.
მედიის ინფორმაციით, კუკის კუნძულების ყოფილი ლიდერი ახალი ზელანდიის ქალაქ ოკლენდის საავადმყოფოში დაიღუპა, სადაც ის 13 აგვისტოს მოათავსეს.
აღსანიშნავია, რომ ივლისში, კორონავირუსით ინფიცირების შემთხვევების ზრდის გამო, ქალაქ ოკლენდში ახალი შეზღუდვები დაწესდა. გუშინ კი ახალი ზელანდიის პრემიერ-მინისტრმა ჯესინდა არდერნმა ქვეყანაში გამოცხადებული განგაშის 2.5 დონე სექტემბრის შუა რიცხვებამდე გაახანგრძლივა, ამის მიზეზი კი ხუთშაბათს შუა ხნის მამაკაცის კორონავირუსით გარდაცვალება გახდა, რაც ბოლო 3 თვის განმავლობაში პირველი ფატალური შემთხვევა იყო.
ცნობისთვის, ახალ ზელანდიაში კორონავირუსით დღემდე 24 ადამიანია დაღუპული.