თერჯოლის მუნიციპალიტეტის სოფელ გოდოგანის მოსახლეობა დაზიანებულ საგზაო ინფრასტრუქტურას აპროტესტებს. ადგილობრივებმა სოფელში აქცია გამართეს და ხელისუფლება გულგრილობაში დაადანაშაულეს.
მოსახლეობის თქმით, დაზიანებული გზის გამო, როგორც ფეხით, ასევე ტრანსპორტით გადაადგილება უჭირთ.
„წლებია გზის გაკეთებას ვითხოვთ, მაგრამ ოპოზიციური განწყობის გამო გვსჯიან, რადგან ჩვენს უბანში მმართველი გუნდი არჩევნებს სისტემატიურად აგებს. არც ავტობუსი მოდის და ვერც სასწრაფოს ვიძახებთ. თუ არ მოგვაქცევენ ყურადღებას, აქციები გაგრძელდება", - განაცხადა ადგილობრივმა იმედა სუთიძემ.
აქციას "სტრატეგია აღმაშენებლის" წარმომადგენლებიც შეუერთდნენ.