საქართველოში კორონავირუსით ინფიცირების 25 დადასტურებული შემთხვევიდან, ერთი „ავერსის" კლინიკების ქსელის რუსთავის ფილიალის კლასტერს მიეკუთვნება.

როგორც ,,ინტერპრესნიუსთან" საუბარში რუსთავის საზოგადოებრივი ჯანდაცვისა და უსაფრთხო გარემოს უზრუნველყოფის ცენტრის ხელმძღვანელმა დავით ბეგაშვილმა განაცხადა, ინფიცირებული ახალგაზრდა ,,ავერსის" რუსთავის ფილიალში უკვე დადასტურებული კოვიდინფიცირებული მედპერსონალის ოჯახის წევრია.

მისი განცხადებით, ეს უკვე მე-14 შემთხვევაა, რომელიც ,,ავერსის" რუსთავის ფილიალის კლასტერს უკავშირდება.

ამ ეტაპზე რუსთავში მოკვლეულია 60 კონტაქტი, მათგან 15 კარანტინშია გადაყვანილი, დანარჩენი კი თვითიზოლაციაში.